Ես չգիտեմ այլ ձև ապրել, քան ստեղծելու, արարելու համար:
Ես չգիտեմ այլ ձև սիրել, քան հուր դառնալու ու կրակ տալու համար:
Ես չգիտեմ այլ ձև գործել, քան բարու, արդարի, բարձրի համար:
Ես չգիտեմ այլ ձև պարտվել, քան նորից ու նորից հաղթելու համար:
Ես չգիտեմ այլ կերպ քայլել, քան նոր ափերի հասնելու համար,
Այդ ափերին երազելու, ապրելու, պարելու համար:
Ես չգիտեմ այլ կերպ գերել, քան գերվելու ու գերի մնալու համար,
Ու այդ գերության մեջ ազատությունս գտնելու համար:
Ես չգիտեմ այլ կերպ գրել, քան ցավս կիսելու, մեղմելու, համար…
Ցավի հետ կռվելու ու հետո՝ հաշտվելու համար:
Ես չգիտեմ այլ կերպ թռչել, քան երկնից վեր սուրալու,
Այնտեղ տուն գտնելու, բույն հյուսելու համար:
Բույն հյուսելու, նոր կյանք ստեղծելու,
Այդ կյանքով ոգեշնչվելու ու ոգեշնչելու,
Քեզ ու ինձ երջանկացնելու համար…